Orjinal Dildeki MetinPATİŞAĞİŞ KULANİ Ar orapes ar xçini kortu. Emus ar bere kuqonutu. Entepe dido fukara rtes. Ar ndğas berek nanamuşis; Man para morgapuşeni kurbetişa vulu ya u3u do gzas kogedgitu. Bere naidu svapes aya gostikei, gobri3ei ziroptes do çkar varmendo3ketes. Bere dido mskva kortutina mcve dolokunu nadolokuntuşeni emuş mskvanoba mitis varoxva3onetu. Ar ndğas, xavlaciş dukanis konodgitu do koçis; Baba, man dulyas kemzdi! Skanişeni viçalişa ya u3uşi badik; Skiri, man ndğas xvala ar tepsi xavla gamamaçinen. Emuşi paraten xçini çkimikala ancax pskidut ya u3u. Berek badis dido oxre3uşi; Hele ar xçinis dopkitxa yado oxorişa igzalu. Badik xçinis kitxuşi emukti; Çkin jurik mu vimxortna sumisti domibağunan. Oki eko dogoxre3u, idi komuqoni ya u3u. Majurani ndğas badik bere dukanis kilixunu. Okule berek; Baba, ar çita xavla komomçi do tepsiten gzas kagamapça ya u3uşi emukti komeçu. Berekti em ndğas sum tepsi xavla kagamaçu. Eşopeten ar dolonişkule dukani kai xeşa kamo3ipxes. Badikti beres ar kai dolokunu duxvenu. Badik dido kai xavla ikiptu. Em ndğas ar zengini koçi komoxtu do nayeçopu xavla dido komo3onduşi, iris badiş dukani konuguru. Eşopeten ekoni koçepeşi iri xolo badiş dukanişa moxtimus kogyoçkes. M3ika oraşkuleti bereş mskvanoba nenaşen nenaşa goxtimus kogyoçku. Patişağiş kulanik ambai ognuşi bereş oziramuşeni paytonis gexedu do xavlacişa komoxtu. Berek ar şvacis ar tepsi xavla emus konuğışi kulanik xavla keçopuşkule jueneç do vit okro komeçu do; Sin karta ndğas oxori çkimişa havla komomiği! Ya u3u. Berek em ndğaşkuleni karta ndğas patişağiş kulanis xavla numertu do oş okro baxşişi gu3umertu. Ar ndğas kulanik, Man sin kqorop, Emuşeni karta ndğas xavla yegiçopup. Babak skanda varmemçaps. Sin namekça okrope kokobğiki omtinuşeni ar ndğas lazimi domaqvenan ya u3u. Patişağik am ambai kognuşi vezirepes ducoxu do; Man xavlaciş beres naaqoropu kulani varminon. Manişa iqonit do aya kogo3okidit! Ya u3u. Vezirepek iya ar sanduğis doloxunes do gamaçamuşeni noğaşa mindiqones. Gzas nitesşi ar vezirik am ambai kulanis du3uşi, emukti biçis ambai minduncğonu. Emuşkule biçi noğaşa gelaxtu do ar altunis sanduği keçopuşkule nanamuşiş kyoyişa naulunan katircepes ar sanduği yopşa lira do kulani nadoloxen sanduği komeçuşkule entepes; Am sanduğepe nanaçkimis konuğit. Manti jur tutaşkule meptaminon do emus ambai komeçit ya u3u. Katircepek sanduğepe bereş nanas komeçes do; Bere skanik jur sanduği mogincğonu. Mukti jur tutaşkule moxtasen ya u3ves. Xçinik; Antepes mu dolozin? Yado kitxuşi katircepek; Çkin varmiçkinan yado nena gyuktires. Xçinik; Man mşkironiten bğuru. Mçkidi dolozinna kai varna man sanduğepe mu bğoda yado sanduğepes varnançutina katircepek sanduğepe kanaşkves do igzales. Xçinikti, Hele mu dolozin, ar kogovo3keda! Yado xe gyaknuşi varti oxvankanu lakin kapaği mo3kuşi kulani kamoşaxtu do xçinis; İya sin xvala vargogan3ken. Moxti do komegişvela! Ya u3uşi xçinik; Bere çkimik mçkidi momincğonatu. Man kulani mu bğoda yado obarbalus kogyoçku. Bozo odaşa amaxtuşi iri yeri pinti rtu. Okosale yezdu kaixeşa dokosuşkule xçinis jueneç do vit okro komeçuşkule emus; Hade sin a3i noğaş idi do jurkati oncere keçopi! Ya u3u do xçini mendoçku. Xçinikti oncere do oçkomale mutupe keçopuşkule komoxtu. Majurani ndğas kulanik xçinis sumşilya okro komeçuşkule, Ar oxori keçopi! yado xolo noğaşa kageloçku. Xçini noğaşa gelaxtuşi, ekoni ağa do beyepeşi iri xolo ar meçetişi avlis koxetes. Xçinik entepes; Ak soti gamaçamuşi oxori reni? Yado kitxu. Entepek; Okvanduten nako para morgiki oxori yeçopaginon yado xçinis nakides. Sum sarayi nauğun ar beyik; Didinana, dido ginonna ar sarayi çkimi sin komekça yado izi3inuşi xçinik; Mukos gamaçap? Yado kitxu. Sumoş okro domibağun. Ya u3uşi irik xolo izî3ines. Man muşeni memozi3apt. Man mtinişi gi3umert. Beyik; Manti mtinişi gi3umer. Sin sumoş okro komogağuna, sarayi skani rtas ya u3u. Xçinik ek naxetes beyepes; Tkvanti şayidi reti? Yado kitxuşi entepekti; Hoo. Çkinti şayidi voret yado ti gyunkanes. Emoras xçinik kese muşiğu do imamis dokoro3xapuşkule beyis komeçuşi beyikti nenas varguiktu do oxori xçinis komeçu. Xçini do kulani majurani ndğas sarayis kodibarges do kaixeşa kamo3ipxes. Em ndğaşkule imamik ondğeişakis minareşa yulutu do kulaniş oziramuşeni ek gelaxetu. Kulanik imamiş niyeti koxo3onuşi jur xamalis ducoxu do oputes ar kui dontxorapu. Kuişi jinti 3xiki komobğu do ar xaliti komotu. Okule xalişi jinti ar troni kogedgu do imamis xalayiğepekala koducoxu. İmamikti, Kulani man domaqoropu. yado kamui3ipxu, sarayişa komextu. Xalayiğepek imamis xaliş jin nagedgin troni nugures do, Mexti, ek kodoxedi! Ya u3ves. İmamik xalis kuçxe nagedgukala kuis kodololuşi emus gvabğes do kaixeşa dobaxes do dokiresşikule pimpilişi gverditi dubğes do oxorişen getkoçes. Ondğei nartuşeni cemaetik imami goruptes mara imamik gverdi bğei nauğutu pimpilepemuşi irdetuşakis oxorimuşis komolantkobu do arçkva gale vargamaxtu. Kulanik naoğodu dulyaşen imamis dido guri komuxtu do Manti emus ar dulya dovoğoda! Yado xavlacis nailuxen bereş adresi xalayiğepes kagu3uğuşkule beres, Oxorcaskani orospi diqu! Yado kartali konuçaru. Biçik, Man am bozo muço yepçopi. Emuk aşo dulya mot moğodu! Yado kamamuşi kili3ku do oxorimuşişa komoxtu. Avlis amaxtuşi nanamuşis komoxvadu. Entepek ğarğalaptesşi xalayiğepek entepe kozires do kulanis; Kimoliskani komoxtu yado ambai komeçes. Kulanik, Hele komevarga. Yado biçişa nituşi, biçik piştovi ili3ku do bozos notkva3inu. Bozok, Doviqvili! Yado kamuiktuşi biçik kama ili3ku do guris goxunaptuşi xalayiğepe do nanamuşik eya oçopes do, Mu gağodu, mu ikip? Çkin imamis aşo ar dulya voğodit do emuk sin kartali megiçaru. Kulanis çkar kabaeti varuğun. Ya u3vesşi biçik iri şei koxo3onu. Em saatis ar doxtoi gores mara varazires. Mendrani ar noğas ar doxtoi kozirestina doxtoik, Man soti varmalen, zabuni ak komuqonit do ak dovokara! Ya u3u. Berekti zabuni iqonu do doxtois kanuşku. Muk mendra naxetuşeni karta ndğas doxtoişa varaletu. Doxtoik kulani dokaruşkule ar ndğas; Man sin kqorop do teslimi domaqvi! Ya u3uşi kulanik; Yara kaixeşa varmaşvelu. Sum ndğas muhleti komomçi do emuşkule. . . Yado nena gyuktiru. Emuşkuleti ar ustas ar sanduği doçkadapu do odamuşis keladgu. Doxtoiş oxori zoğaş kinais eladgitu. Doxtoi ar ndğas oxoris vartuşi sanduği penceres kogeladgu, mukti kodoloxeduşkule onkanu-onkanu do zoğas kodolotkoçu. Sanduği zoğas komamku do zoğak eya metiyuptuşi sum mençxomek eya kozires do kulani sanduğişen kişiqones mara sumiti kulanis dvaqoropes. Kartaik, Kulani çkimi ren. Yado okokidinus kogöçkes. Mundeşkule, 3xenis gexunei ar zaptiyek entepe ziruşi; Mu ren, mu gağodes. Mot içkomet? Yado kitxuşi entepekti; Em kulani çkin zoğaşen gamaviqonit do sumikti dovaqoropit. Çkin aya varmartenan ya u3vesşi zaptiyek; Tkvan, mele nagedgin ncaşakis idit. Okule unkapit do ak komoxtit. En ordo mi maluna kulani emuşi iqvasen yado entepes nosi kodoguru. Entepekti zaptiyes konusimines do ncaşa idesşi, zaptiyek kulani 3xenis göxunu do imtu. Jur saatiş gzaşkule ar gubişa komextesşi zaptiyek, Man teslimi domaqvi! Yado kododgitu. Kulanik, Kai zopon lakin babaçkimiti zaptiye rtu. Manti birtum zaptiyeş dolokunupe dolokunu mintu. Skani dolokunupe dolomokunapna razi viqve. Ya u3uşi zaptiyek dolokunupemuşi kulanis kodolokunu, piştovi do kamati kogulukidu. Mukti kulaniş forka kodilikunuşi kulani 3xenis no3xontu do kogexedu. Goçkvidu 3xenis do imtu. Jur ndğaşkule ar noğaşa komextu. Ekonepes ar kvinçi uqonutes do em kvinçi patişaği ğuraşi oputxinaptes. Okuleti kvinçi mişi tis gexeduna eya patişaği ikiptes. Em ndğati kvinçi oputxinuşi ndğa rtu do kvinçi yeputxuşkule kulanis tis kogüxedu. Emuşkule kulani patişaği doqves do taxtis kogeloxunes. Kulanik, Man muço pa do kimoli çkimi bzira! Yado merağis kodololu. Okuleti gzas ar didi gubi doxvenapu. Ar ndğas ar masuretis ducoxu do; Sin ar kulani mogiqonop. Emuş sureti eşo mskva qvaginonki mteli mus mengapei rtasunon. Vargaxvenuna ti megogkvatap do giçkitas! Ya u3uşi emukti; Varmaxvenuna ceza çkimişa razi vore ya u3u. Kulanik ntkobaşa oxorcaş dolokunupe kodilikunu do suretimuşi doxvenapuşkule iya gubis kogo3okidapu. Gubisti ar mamçumale kiludginu do; Am suretis mendo3kedaşi, Ax!. . Ya natkvas koçi oçopit do man komomiqonit, yado konandu. A3i meptat kimoci muşişa. İya doxtoişa mextu do, Oxorca çkimi soren? Yado kitxuşi doxtoik, Yara dvakaruşkule ar ndğas kagondunu. So idu varmiçkin ya u3u. Bere ar ndğas kulani patişaği naren noğaşa idu do gubis 3kari şuptuşi nagelobun sureti koziruşi, Ax!. . Ya natkukala mamçumalek iya oçopu do cixas komolocinu. A3iti imamişi dogi3vat. Emus tis namuxtu dulyaşkule arçkva imamluği varaxvenu do köyişen-köyişa goxtu, goxtu. Ar ndğas em gubişa gza kodululu. Gubis nagelobun sureti ziruşi emukti, Ax!. . Ya meçu. Mamçumalek eti oçopu do cixas komolocinu. Entepes ancax navağurutes konai gari meçaptes. Zaptiyeşa moxtaşi, iya kulanişi dolokunuten ziresşi dulyaşen metkoçes. Dulya ogoruşeni em noğaşa mextuşi gubis nagelobun sureti koziru do, Ax!. Yado guris xe muibaxuşi mamçumalek eti oçopu do cixas komoloxunu. Jur-sum ndğaşkule doxtoiti ar zabuniş okaruşeni em noğaşa komoxtu do gubis kulaniş sureti koziruşi emukti, Ax!. . Ya natkukala eti oçopes do xapisis komoloxunes. Çxomi naçopuptes koçepesti em 3anas çkar çxomi varaçopes do dulya ogoruşeni em noğaşa komextesşikule gubis 3kari şuptesşi sureti nazires do Ax!. . Ya natkveskala entepeti oçopes do cixas komoloxunes. Emuşkule patişağik gardiyanis ducoxu do; Entepes kai gari do oncerepe meçit! Yado konandu. Emuşkule iri vezirepes koducoxuşkule gardiyanis; 3oxle naçopit koçi komuqonit! Ya u3u. Koçi komuqonesşi; Sin sureti zirişi muşeni Ax!. . Tkvi yado kitku. Berek tis namuxtu iri şei du3u. Kulanik iya kilixunuşkule, A3i majurani komuqonit! Yado emri komeçu. İdes do imami komuqonesşi kulanik emusti kitxu. İmamikti iri şei nartvustei dotku. Patişağik cellatis ducoxu do Manişa amus ti kanokvatit! Ya u3uşi emus ti kanokvates. Okule, Masumanis ducoxit! Ya tkuşi, gardiyanepek zaptiye komuqones. Emusti iri şei dotkvapuşkule ti kanokvatapu. Okule zaptiyepes, Maotxani komuqonit ya u3uşi, doxtoi komuqones. Doxtoikti tis namuxtupe umentalu dotkuşi emusti ti kanokvatapu. Emuşkuleti mançxomepe komuqones. Kulanik entepes kitxuşi entepekti iri şei nartustei dotkves. Kulanik vezirepes; Am makemeşen tkvan mu oxo3onit! Yado kitxuşi vezirepek; Çkar mutu varoxovo3onit ya u3ves. Moro ti namevokvatepeşen mu oxo3onit? Xolo mutu varoxovo3onit. Kulani yiselu do odamuşişa kamaxtuşkule muşi oxorcaş dolokunupe kodilikunu do komoxtu. Mdğua patişaği vorti. A3i oxorca vore. Amuşen mu oxo3onit? Yado xolo kitxu. Vezirepek;Çkin xolo mutu varoxovo3onit ya u3ves. - Kulanik tis namuxtu şeepe vezirepes du3u. Ak naelamixen koçi, kimoli çkimi ren. Mençxome koçepekti man zoğas vişkvidetişimomişletines. Emuşeni, entepe vezirepe çkimi iqvasunonan ya tku do patişaği oxorca diqu. | Türkçe Metin-K R A L I N K I Z I Bir zamanlar yaşlı bir kadın vardı. Tek çocuğu ile çok fakirdiler. Bir gün çocuk annesine;Ben para kazanmak için gurbete gidiyorum diyerek yola koyuldu. Çocuğun gittiği yerlerde onu yırtık pırtık gördükleri için ona kimse bakmıyordu. Kendisi çok güzel olmasına rağmen eski elbiseler içinde onun güzelliğini kimse farkedemiyordu. Bir gün bir helvacı dükkanına gitti ve oradaki yaşlı adama; Baba beni işe al. Senin için çalışayım deyince adam; Evlat, ben günde ancak bir tepsi helva satabiliyorum. Onun parası ile de yaşlı karımla ancak geçinebiliyoruz dedi. Çocuk adama çok yalvarınca; Hele bir karıma sorayım diyerek eve gitti. Evde dede nineye sorunca o da; Biz ikimiz ne yiyorsak üçümüze de yeter. Mademki okadar yalvardı gidip onu getiriver dedi. Ertesi gün dede çocuğu yanına aldı. Biraz sonra çocuk; Baba, biraz helva ver de tepsi ile yolda satayım deyince o da verdi. Çocuk o gün üç tepsi helva sattı. Öylece bir hafta içinde dükkanı güzelce donattılar. Dede de çocuğa güzel bir elbise yaptırdı. Dede çok güzel helva yapıyordu. O gün çok zengin bir adam geldi ve aldığı helvayı çok beğenince, herkese dedenin dükkanını tarif etti. Öylece oradaki insanların hepsi de dedenin dükkanına gelmeye başladılar. Bir müddet sonra da çocuğun güzelliği dilden dile dolaşmaya başladı. Padişahın kızı haberi duyunca, faytona binip çocuğu görmek için helvacıya geldi. Çocuk bir hamlede bir tepsi helvayı ona götürünce kız helvayı aldı ve elli altın verdikten sonra;Sen hergün benim evime helva getir! Dedi. Çocuk o günden sonra her gün padişahın kızına helva getiriyordu ve yüz altın bahşiş alıyordu. Bir gün kız; Ben seni seviyorum. Onun için hergün senden helva alıyorum. Babam beni sana vermiyor. Sana verdiğim altınları sakla ki bir gün kaçmak için bize lazım olabilir dedi. Padişah bu haberi duyunca vezirleri çağırdı ve; Ben helvacının kızını seven bir kız istemiyorum. Çabuk bunu götürüp yokedin! Dedi. Vezirler onu bir sandık içine koydular ve satmak için çarşıya götürdüler. Yolda giderlerken bu haberi vezirlerden biri kıza ulaştırınca o da çocuğa haber yolladı. Sonra da çocuk çarşıya gelip bir altına sandığı aldıktan sonra annesinin köyüne gitmekte olan katırcılara, bu sandıkla beraber altın dolu bir sandık daha verdi ve; Bu sandıkları anneme götürün. Benim de iki ay sonra geleceğimi söyleyin diye tembih etti. Katırcılar sandıkları çocuğun annesine verdiler ve; Senin oğlun iki sandık gönderdi. Kendisi de iki ay sonra gelecek, haberin olsun dediler. Kadın;Bunların içinde ne var? Diye sorunca katırcılar; Onu biz bilmiyoruz diye cevap verdiler. Kadın; Ben açlıktan ölüyorum. İçinde ekmek varsa iyi yoksa ben sandıkları ne yapayım diyerek sandıklara yanaşmadıysa da katırcılar sandıkları bırakıp gittiler. Kadın, Hele içinde ne varmış bir bakayım! Diye sandığı çekince, kıpırdatamadı bile. Ama kapağı açınca içinden kız çıktı ve kız öteki sandığı kadına gösterip; Onu sen yalnız açamazsın. Gel de yardım edeyim dedi. Kadın; Oğlum bana ekmek gönderseydi. Ben kızı ne yapayım diye savsaklamaya başladı. pKız eve girince her taraf pisti. Süpürgeyi alıp her yeri süpürdükten sonra kadına elli altın verdi ve Hadi şimdi çarşıya gidip iki kat yatak al diyerek onu yola koydu. Kadın da yatakla beraber yiyecek birşeyler alıp eve geldi. Ertesi dün kız kadına üçbin altın verdikten sonra, Bir ev satın al! Diye onu yine çarşıya yolladı. Kadın çarşıya inince oranın bütün ağa ve beyleri caminin avlusunda oturuyorlardı. Kadın onlara; Buralarda satılık ev bulunur mu? Diye sordu. Onlar; Dilenmekle nekadar para kazandın ki ev alacaksın diye kadına takıldılar. Üç sarayı bulunan bir bey;Nine, istersen saraylarımdan birini sana vereyim diyerek güldü. Kadın; Kaça verirsin? Diye sordu. Üçyüz altın yeter deyince hep beraber güldüler. Kadın ; Bana niye gülüyorsunuz. Ben ciddi konuşuyorum deyince bey; Ben de ciddi söylüyorum. Üçyüz altın getirebilirsen ev senin olsun dedi. Kadın orada oturanlara; Siz de şahitmisiniz? Diye sorunca onlar da; Evet biz de şahitiz diye kafalarını salladılar. Ozaman kadın kesesini çıkarıp orada bulunan imama saydırdıktan sonra üçyüz altını ona verdi. Bey de sözünden dönmeyip evi kadına verdi. Kadınla kız ertesi gün saraya yerleştiler ve bir güzel süslediler. O günden sonra imam her gün minareye çıkıp ezan okuduktan sonra kızı görmek için öğleye kadar minareden inmiyordu. Kız, imamın niyetini anlayınca iki hamal çağırıp evinin önünde bir kuyu kazdırdı. Kuyunun üstüne çalı çırpı yığdıktan sonra bir de halı serdi ve üstüne de sandalye koydu. Sonra da halayıklarla imamı çağırttı. İmam, Kız bana aşık oldu. Diyerek iyice süslendi ve saraya geldi. Halayıklar ona halı üstündeki sandalyeyi gösterip, Git de orda otur! Dediler. İmam halıya ayak basar basmaz kuyuya düşünce de ona çullanıp bağladıktan sonra iyice dövdüler. Sonra da sakalının yarısını kesip evden dışarı attılar. Cemaat imamı arıyordu ama imam yarısı kesilmiş sakalları büyüyünceye kadar evinde saklandı ve hiç dışarıya çıkmadı. Kızın ona yaptıklarına çok kızdı ve Ben de ona bir iş yapayım. Deyip helvacının yanındaki çocuğun adresini halayıklardan aldıktan sonra ona, Senin karın kötü yola düştü. Diye mektup yazdı. Çocuk, Ben bu kızı nasıl aldım. O bana nasıl olur da böyle bir iş yapar! Diyerek kamasını alıp evine geldi. Avluda annesine rastladı. Onlar konuşurlarken halayıklar onları gördüler ve kıza, Kocan geldi. Diye haber verdiler. Kız, Hele karşılıyayım. Diyerek onlara doğru giderken çocuk tabancayı çekti ve ona ateş etti. Kızın devrildiğini görünce kamasını çekti ve tam saplıyacakken halayıklarla annesi onu tuttular, Sana ne oldu. Ne yapıyorsun? Biz imama böyle-böyle bir iş yaptık da o da sana mektup yazdı. Kızın hiç suçu yok. deyince çocuk herşeyi anladı. Derhal bir doktor aradılar ama bulamadılar. Uzak bir şehirde bir doktor buldularsa da doktor, Ben bir yere gidemem. Hastayı buraya getirin! Dedi. Çocuk da hastayı götürüp onun yanında bıraktı. Kendisi uzakta olduğu için her gün doktora gidemiyordu. Doktor kızı tedavi ettikten sonra bir gün; Ben seni seviyorum, bana teslim ol deyince kız; Yaram tamamen iyileşmedi. Bana üç gün zaman ver de ondan sonra dedi. Sonra da bir ustaya bir sandık yaptırdı ve onu odasına koydu. Doktorun evi deniz kenarında idi. Doktor bir gün evde yokken, sandığı alıp pencereye yerleştirdi. Kendisi de içine girdikten sonra sallıya-sallıya onu denize attı. Sandığı deniz sürüklerken balık tutmakta olan üç adam onu gördüler ve kızı sandıktan çıkardılar ama üçü de kıza aşık oldular. Hepsi de, Kız benim olacak. Diye kavgaya başladılar. Neden sonra ata binmiş bir zaptiye onları görünce; Ne var, ne oluyor! Neden birbirinizi yiyorsunuz? Diye sordu, onlar da; Bu kızı biz denizden çıkardık ama üçümüz de ona aşık olduk diye cevap verdiler. Zaptiye; Şu karşıdaki ağaca kadar en erken kim gidip gelebilirse kız onun olacak dedi. Onlar da zaptiyeyi dinleyip ağaca doğru koşarlarken, zaptiye kızı atına alıp kaçtı. İki saat kadar sonra bir çeşmeye vardıklarında zaptiye; Ben sana aşık oldum bana teslim ol! Dedi. Kız; İyi ama babam da zaptiye idi. Ben o zamanlar hep zaptiye elbisesi giymek isterdim. Senin elbiselerini giydirirsen razı olurum dedi. Zaptiye, elbiselerini kıza giydirdi. Tabanca ve kamasını kemerine taktı, kendi de kızın elbiselerini giyince kız ata atladığı gibi bastı kamçıyı ve kaçıp gitti. İki gün sonra bir şehre vardı. Oradakilerin bir kuşları vardı ve padişah ölünce onu uçuruyorlardı. Sonra da kuş kimin başına konarsa onu padişah yapıyorlardı. O gün de kuşun uçurulma günü idi ve kuş havalanınca kızın başına kondu. Bunun üzerine oradakiler kızı padişah yaptılar ve tahta oturttular. Bir müddet sonra kız, Ben ne yapsam da kocamı görsem! Diye düşünmeye başladı. Sonra da yolda büyük bir çeşme yaptırdı. Bir gün bir ressam çağırıp ona; Sana bir kız getireceğim. Onun resmini öyle güzel yapacaksın ki tıpkı kendisine benzesin. Eğer yapamazsan kafanı keseceğimi bilesin! Diye uyardı. O da; Yapamazsam cezama razıyım dedi. Kız, gizlice kadın elbiselerini giydi ve resmini yaptırdıktan sonra onu çeşmeye astırdı. Çeşmeye bir de nöbetçi dikip ona; Bu resme bakınca Ah!. Diyen adamı tutup bana getirin! Diye tembih etti. Şimdi gelelim kocasına. O, doktora gidip; Karım nerde? Diye sorunca doktor; Yarası iyileştikten sonra bir gün ortadan kayboldu, nereye gittiğini bilmiyorum dedi. Çocuk bir gün kızın padişah olduğu şehre gidip çeşmeden su içerken asılı olan resmi görünce. Ah!. Diye inlemesiyle beraber bekçi onu yakalayıp hapse attı. imdi de imamdan bahsedelim. O, başına gelenlerden sonra imamlık yapamadı ve köyden köye dolaşıp durdu. Bir gün yolu bu çeşmeye vardı. Çeşmedeki resmi görünce o da, Ah!. Etti. Nöbetçi onu da yakalayıp hapse tıktı. Onlara ancak ölmeyecek kadar yemek veriyorlardı. Zaptiyeye gelince, onu da kadın elbisesiyle görünce işten attılar. İş aramak için o şehre varıp çeşmedeki resmi görünce, o da Ah! Dedi ve bekçi onu da hapse attı. İki üç gün sonra doktor da bir hastayı tedavi etmek için o şehre vardı. Çeşmedeki resmi görünce, Ah!. Demesiyle beraber bekçi onu da yakalayıp hapse attı. Balıkçılar da o sene hiç balık tutamadıklarından iş aramak için o şehre geldiklerinde çeşmedeki resmi görünce onlar da, Ah!. Dediler ve onları da yakalayıp içeri tıktılar. Padişah gardiyanı çağırıp, Onlara iyi yemek ve yatak verin! Diye tembih ettikten sonra vezirlerini çağırdı. Sonra da gardiyana; İlk yakaladığınız adamı getirin! Dedi. Onlar adamı getirince; Sen, resmi görünce neden Ah!. Ettin? Diye sordu. Çocuk başından geçen herşeyi anlattı. Kız onu yanında oturttuktan sonra; Şimdi ikinciyi getirin! Dedi. Koşup imamı getirdiler. Kız ona da sorunca o da herşeyi olduğu gibi anlattı. Padişah celladı çağırıp, Çabuk bunun kafasını kesin! Deyince cellat onun kafasını kesti. Sonra; Üçüncüyü getirin! Diye emir verdi. Gardiyanlar koşup zaptiyeyi getirdiler. Ona da herşeyi anlattırdıktan sonra onun da kafasını kestirdi. Sonra; Dördüncüyü getirin! Dedi. Zaptiyeler koşup doktoru getirdiler. O da başından geçenleri aynen anlatınca, onun da kafasını kestirdi. Sonra da balıkçıları getirdiklerinde kız onlara da herşeyi anlattırdıktan sonra kız vezirlere;Bu mahkemeden siz ne anladınız? Diye sordu. Onlar; Hiçbirşey anlamadık diye cevap verdiler. Kafalarını kestirmemden ne anladınız? Diye kız yine sordu. Onlar; Yine bir şey anlamadık dediler. Kız kalkıp odasına gittikten sonra kadın elbiselerini giyip geri döndü ve;Demin padişah idim şimdi kadın oldum. Bundan ne anladınız? Diye yine sorunca vezirler;Biz yine bir şey anlamadık diye cevap verdiler. Kız başından geçen herşeyi vezirlere anlattı. Yanımda oturan adam benim kocamdır. Balıkçılar beni denizde boğulmaktan kurtardılar. Onun için onları da kendime vezir yapıyorum dedi ve ilk kadın padişah oldu. |