Orjinal Dildeki MetinDiVİ MAQVİLACE Ar patişağis sum bere uqonutu. Patişağik jur çitalepes zanaxati ogurapto do didi naren muşikala guiqonoptu. Arkeleti, Man dobğuraşkule çkimi taxtis sin gelaxedaginon. Emuşeni patişağoba kodiguri. ya u3umeru. Patişağiş oxorca dido mskva rtu. Emus arçkva kulani uqonutu do iya veziri muşişa meçamei uqonutu. Ar ndğas, veziri sarayis çkva oxorcalepekala konoçopes do patişağis ambai komeçes. Patişağik oxorca do berepes koducoxu do entepes; Am dulya muçoşi pağat? yado kitxu. 3oxle oxorcamuşik; Eya kogo3ovokidat. ya tku. Didi cumakti, Oxorcati do veziriti kogo3ovokidat. ya tku. Oşkenani berek Didilepeş nositi didi iqven, man mutu varmatkven ya tku lakin patişağik mus mutu navarkitxuşeni guri komuxtu do babamuşis kogu3udgitu. Okuleti; Baba, sin patişaği re. Skani coxo iri svas içkinen. Aşo şei muço iqven! Karta koçik naikips ar şei şeni koca veziri do uğnose ar oxorca muço gu3ikiden? Ya u3u. Patişağis am nenapeşen guri komuxtu do, Sotxani unonna ek idas. Nana bamuşiş nenas navarnusiminas koçiş soni aşo iqven. Am bereşen çkimda mutu fayda varen. Yado dişumu. Am bere patişağiş bere vartu. Başka babaşen nartuti patişağis varuçkitu. Ar ndğas, patişaği çita beremuşikala guituşkule gzas didi ncaepe konargesşi patişağik, başka patişağepekala muarebeşi oxvenu, askeriş okorobu do entepeşi ocginu isimaduptuşi berek, Baba ya u3u. Didi ncaepeşen mu kai gobi (sarğa) ixvenen. Antepeşen ar-jur doxvenapana variqveni? Ya do kitxu. Patişağik em oras, Man mu viduşun, bere çkimik mu iduşuns do mu mi3umers. Am bere çkimi di3xirişen varen. Çkimi berepes varmengap. Yado nisimaduşkule guris şupe kodululu. Karta ndğas; Am bere çkimi varen. Ya zopontu. Ar ndğas bere oxorişen getkoçu do emuşkule çita diraxatu. Muşeburot; Çkimi tereşen kagamaxtas , çkimi bere naren moigneptas do mutxani unonna iya rtas. Ya tkumertu. Ar ndğas iya sarayişen getkoçu do emuş kule m3ika diraxatu. Bere sarayişen kagamaxtu do dido gza igzaluşkule ar mçkeşi konargu. Mçkeşis; Am gzaten man so malen? Yado kitxu. Mçkeşik; E bere, sin am gzaepes solen dololi, sin ak mu gorup? Am gza, divepeş oputeşa ulun. Am gzaşen naidas çkar miti arçkva vargvaktinen ya u3u. Berek; Mutxani renna rtas! Man nagebdgiti gzaşen vargovikte yado gzas naqonu. Mundeşkule, ar ğalis dolokunu nanaxups ar xçinis komoxvadu do emus; Dinana, man am gzaten so malen? Yado kitxuşi xçinik; Skiri çkimi, sin ak solen dololi? Çita çkva konaqonana divepeş oputes komoxvadu do kvaşa kagogoktinapan ya u3u . Beres goktinu varuntu. Emoras xçinik; Man am gzas nadololas koçis nosi mepçap. A3işakis am gzaşen naidu çkar miti varguiktu. Sinti oxtimu ginonna ar nosi kodogogura. Divepeş oputeşa amaxtaşkule dido kvaş koçepe ziraginon. Sin entepes varkonança. Oxorcalepe moxvadanşi nena momeçap. Badepes; Man gza gomindunu ak kodolobli. Ya u3vi. Em oras entepek sin imtiani gikipan. Ar didi sarayis amagiqonopan do jueneç odaşi nkila mekçapan. Mçxuri namolaxen odaşa kamagaluna mogaşkurinetas, kamuçitu. Kulani namolaxen odaşa kamaxtina, ti megokvatapan yado nosepe komeçu. Berek antepe kodiguruşkule divepeş oputeşkele oxtimus kogöçku. Xçinik nau3ustei qu do badepek emus jueneç odaş nkilape komeçes. Berek, eç do vitoovro nekna kagon3ku. Am odape dunyas navaiziren şeepeten yopşa rtu. Berek entepeşi çkaris varmendo3kedu. Xvala mçxuri do kulani namolaxen odape iduşuntu. Muşeburot, Nadoskidu jur odaşi namu gom3ka. Ya zopontu. Ari naren kagon3ku. Doloxe kulani molaxetu. Eko mskva şei rtu ki koçis tolepe uçxatuptu. Biçi em saatis emus dvaqoropu. Kulanik yabanci koçi ziruşi, Sin ak muçoşi moxti? Yado beres kitxu. Berek tis namuxtupe emus du3uşi kulanik, Mçxuri namolaxen oda kagogan3kuna kamovuçitut varna juriti moğurinapan ya u3uşi bere em saatis yunkapu do mçxuri namolaxen odaşa mendaxtu. Nako intxişuna nekna vargvan3kuşi kulanik tiş o3xoci işi3ku do beres komeçu. Okule, yaşikişen ar mcixi elmasi işiğu do entepeti cebes koduludu. Mukti ar çita şuşeten 3kari kezduşkule biçis, A3i vimtat varna ora diçodu. Badepek tiepe memokvatapan ya u3u. Juri ukuikates do axirişa kagextes. Bere ar xçe 3xenis kogexedu, kulaniti kogu3ixunu do axirişen kagamaxtes. Entepe nagamaxteskala badepeti kulaniş odaşa kamaxtes. Bere do kulani naimtu koxo3onesşi okvaçxendo gatxozes. Bereşi 3xeni ixi stei putxututina badepeti ixi stei meçişutes. Kulanik ukuni3kedu do beres, Manişa o3xoci kametkoçi! Ya u3u. Berek o3xoci metkoçuşi okvaçxe mutepeşis ar didi germa keçkindu. 3xenis motarikapes do badepe germas mujilaptesşakis epey gza igzales. Mundeşkule kulanik ukuni3kedu do beres, A3i manişa elmasepe kodobği! Memçişunan ya u3uşi berek elmasepe kodobğu. Okvaçxe mutepeşis didi kvaepuna keçkindu do badepe kamokaskides. Xolo 3xenis goçkvides do epey gza igzales. Badepe kvaepunas mujiles do meçişutesşikule kulanik nauğutu 3kari kodobuşi ar didi zoğa keçkindu. Zoğa badepes mulaptuşkule kulanik, Kamovuçitit Yado beres 3xeni kagoktinapu do namoxtes svaşi kele kakuniktes. Berek; So vulut! Yado kitxuşi kulanik, 3oxle didi zoğape go3amidginan. Nagepxet 3xeni badepeşi narenşeni 3karişen aşkurinen do ekole varmekvalen ya u3u. Eşopeten guiktes do badi divepeşi oputeşa komoxtes. Opute, mteli kvaş koçepeten yopşa rtu. 3xeniten entepes varnançes do jueneç oda nauğun sarayişa kamaxtes. Kulanik, Badepeşi odas ar mbelas melakireli ar mcixi leta koren. İya kemazduna, am kvaşkoçepeşi iri xolo kamomaşletinenan. Ya tku do juri isa badepeş odas konançes. Nekna kala ar xçini elacantu. Kulanik beres; Sin gale mçvi. Man amavulu do mbela mevuxir. Man kulani navoreşeni emus çkimi şura varmaten. Ya u3u do kuçxeş kitepes gedginei odaşa kamaxtu. Amot amot en çita elmasişi sanduğis nançu do leta molakireli mbelas nagaknukala nacantu xçinik ar kapeti kodi3iru. Kulanik em saatis mbela mola3ku do ar mcixi leta xçinis konotkoçu. Xçini nartu stei giktu do doğuru. Kulani em oraşkule gamaxtu do beres kelvakatuşkule emus, A3i am leta kvaş-koçepes mevobğatşi iri xolo isağenan. ya u3u. Eşoti doqves do şilyapeten kvaş-koçepeşi iri xolo disağes. Okule oputes nartu divepe koguşibğes do irik omtinuş gza gores. Çkari varamtinuşi koçepek iri xolo doqviles. Okule koçepek beres; Çkin domosağit. A3i çkinti sin patişaği gikipt do skani askerepe viqvet. Çkin çkva soti varmalenan. Dunyas miti kodomiskidesiti varmiçkinan. Ak nako ora ren kva navortit mis uçkin! Ya u3vesşi bereti do kulaniti razi diqves do bere em ndğaşen taxtis kogelaxedu. Kulaniti kezdu do jueneç ndğa do seris çanda doqves. Dido oraşkule em oputes navariçinopan şkvit patişaği do askerepe mutepeşi kogutgites. Entepek am oputeşi patişaği naren beres, Divepeşi maqvilace. Ya u3umertes do emuşen iris xolo dido aşkurinetes. Entepek, Ar ndğas emus kodolvangonuna çkinti memodgitunan do taxtepe kago3amimelan. Emuşeni çkin okoptat do iya kagomdinat. Ya zopontes. Divepeşi maqvilacek, Mu ginonan, muşeni moxtit! Yado entepes ambai nuncğonu. Entepekti, Ya am oputeşen kagamaxti varna muarebe vikipt yado numçines. Divepeşi maqvilacek nauğutu askeri kokobğu do konacinu. Sum ndğa do sum seris umoşvacinu iqviles. Okule, patişağepe icgines do varti amtines. Esiri patişağepe divepeş maqvilaceşa konuqones. İya oxorişen nagetkoçu patişağiti entepes uxuktutu. Berek iya içinu do, Sin ar ndğas man sarayişen gemtkoçi do matxozi. Skanden mutu variqven ya zoponti. A3i ziropi, manti patişaği doviqvi ama sin mutu vargoğodap. ya u3u do majura patişağepes ti kanokvatuşkule iya koditalu. Nanamuşi do cumalepe muşiti komuqonu do kilixunu. Okule didi cumamuşis, Man dahaluk nobeti varmomixtu, patişağoba skani ren ya u3u. do taxtis iya kogeloxunu. | Türkçe MetinDEV ÖLDÜRÜCÜ Bir padişahın üç oğlu vardı. Padişah iki küçüklere sanat öğretiyordu ve büyük kardeşi kendisi ile beraber gezdiriyor ve ona, Ben öldükten sonra sen benim tahtıma oturacaksın. Onun için padişahlık yapmayı öğren! diyordu. Padişahın karısı çok güzeldi. Padişahın bir de kızı vardı ve onu vezirine vermişti. Bir gün veziri sarayda başka kadınlarla yakaladılar ve padişaha haber verdiler. Padişah karısını ve çocuklarını çağırdı ve onlara, Bu işi nasıl halledelim? Diye sordu. Önce karısı, Onu asalım. Dedi. Büyük oğlan da, Kadını da veziri de asalım. Dedi. Ortanca kardeş, Büyüklerin aklı daha büyüktür, ben bir şey diyemem dedi. Padişah küçük çocuğa bir şey sormayınca, küçük oğlan babasının karşısına dikilip; Baba, sen padişahsın. Senin ismin her yerde duyulmuştur. Böyle şey nasıl olur! Herkesin yaptığı bir şey için bir büyük vezir ile akılsız bir kadın nasıl asılır! Dedi. Padişah bu sözlere çak alındı ve Nereye isterse oraya gitsin! Anne Babasına itaat etmeyen bir adamın sonu böyle olur. Bu çocuğun bana bir faydası yok. Diyerek kızdı. Bu çocuk, padişahın kendi çocuğu değildi. Başka babadan olduğunu ise padişah bilmiyordu. Bir gün padişah küçük oğlu ile beraber gezerlerken yolda büyük ağaçlar gördüler. O esnada padişah, başka padişahlarla savaşmayı, nekadar asker toplıyacağını ve onları nasıl mağlup edeceğini düşünüyordu. Çocuk; Baba! Bu büyük ağaçlarla ne kadar iyi hamur teknesi yapılır. Bunlardan bir-iki tekne yaptırsan olmazmı? Dedi. Padişah o zaman, Ben ne düşünüyorum, çocuğum ne düşünüyor. Bu çocuk benim kanımdan değil diye düşündükten sonra kuşkulanmaya başladı. Her gün kendi kendine, Benim ülkemden çıksın da benim çocuğum olduğu duyulmasın ve ne olacaksa olsun. Diyordu. Bir gün onu saraydan kovdu da ancak ondan sonra biraz rahatladı. Çocuk saraydan çıkıp bir hayli yol aldıktan sonra bir çobana rastladı. Çobana; Bu yoldan nereye gidebilirim? Diye sordu. Çoban; Hey çocuk! Sen bu yollara nereden düştün! Sen burada ne arıyorsun? Bu yol devlerin köyüne gider. Bu yoldan giden kiç kimse bir daha geri dönemez dedi. Çocuk; Ne olursa olsun. Gittiğim yoldan geri dönmem diyerek yoluna devam etti. Neden sonra, derede çamaşır yıkayan yaşlı bir kadına rastladı ve ona; Nine, ben bu yoldan nereye gidebilirim? Diye sorunca yaşlı kadın; Oğlum, sen buraya nerden düştün? Biraz daha devam edersen devlerin köyüne varırsın da onlar seni taşa çevirirler dedi. Çocuk dönmek istemiyordu. O zaman kadın; Ben, bu yola düşen insanlara akıl veririm. Şimdiye kadar bu yoldan giden hiç kimse geri dönmedi. Sen de gitmek istiyorsan, sana da bir akıl vereyim. Devlerin köyüne girdikten sonra birçok taşadamlar göreceksin. Onlara yaklaşmıyasın. Kadınlara rastlarsan, onlara cevap verme. Yaşlı adamlara, Ben yolumu kaybettim de buraya düştüm. De. Ozaman onlar seni imtihan edecekler. Bir büyük saraya sokup sana kırk odanın anahtarını verecekler. İçinde koyun olan odaya girebilirsen korkma, kurtulursun. Kız olan odaya girersen kafanı keserler de bilesin diye ona akıl verdi. Çocuk bunları öğrendikten sonra devlerin köyüne doğru yürümeye başladı. Yaşlı kadının dediği gibi yaptı ve yaşlı adamlar ona kırk odanın anahtarlarını verdiler. Çocuk otuz sekiz kapıyı açtı. Bu odalar, dünyada eşi benzeri olmayan şeylerle dolu idi. Çocuk onların hiçbirine bakmadı. Yanlızca koyun ve kızın bulunduğu odaları düşünüyordu. Kendi kendine, Kalan iki odanın hangisini açayım! Diyordu. Bir tanesini açtı. İçinde kız vardı. Okadar güzeldi ki insanın gözleri kamaşıyordu. Çocuk o anda ona aşık oldu. Kız yabancı adamı görünce, Sen buraya nasıl geldin? Diye çocuğa sordu. Çocuk başından geçenleri ona anlattı. Kız, Koyun olan odayı açabilirsen kurtuluruz yoksa ikimizi de öldürürler. Dedi. Çocuk o anda ayağa fırlayıp koyun bulunan odaya vardı. Nekadar uğraştıysa da kapıyı açamayınca kız, başından bir tarak çıkardı ve çocuğa verdi. Sandıktan bir avuç elmas çıkarıp onu cebine koydu. Kendi de bir küçük şişeyle su aldıktan sonra, Şimdi kaçalım, yoksa vakit kalmadı. Yaşlı adamlar kafamızı keserler. Dedi İkisi beraberce ahıra indiler. Çocuk, beyaz bir ata bindi. Kızı da önüne oturttu ve ahırdan çıktılar. Onlar çıkar çıkmaz yaşlı adamlar da kızın odasına daldılar. Kızla oğlanı orada bulamayınca, kaçtıklarını anladılar ve peşlerine düştüler. Çocuğun atı rüzgar gibi uçuyorduysa da ihtiyarlar da rüzgar gibi yetişiyorlardı. Kız arkasına bakıp çocuğa, Çabuk, tarağı at! Dedi. Çocuk tarağı atınca, arkalarında büyük bir dağ ortaya çıktı. Atları kamçıladılar ve ihtiyarlar dağı aşıncaya kadar epeyce yol aldılar. Neden sonra kız arkasına baktı ve çocuğa, Şimdi, çabuk elmasları dök, yetişiyorlar. Deyince çocuk elmasları döktü. Arkalarında büyük bir taşlık ortaya çıktı ve ihtiyarlar takılıp kaldılar. Yine atı kamçılayıp hayli yol gittiler. İhtiyarlar taşlığı aşıp yetişirlerken kız elindeki suyu yere dökünce, büyük bir deniz ortaya çıktı. Deniz ihtiyarları kuşatırken kız, Kurtulduk! Diyerek çocuğa atı çevirtti ve geldikleri yöne doğru geri döndüler. Çocuk, Nereye gidiyoruz? Diye sordu. Kız, Önümüzde büyük bir deniz duruyor. Bindiğimiz at ihtiyarların olduğu için denizden korkuyorlar. Öteye geçemezler. Diye cevap verdi. Böylece geri döndüler ve yine yaşlı devlerin köyüne geldiler. Köyün her yanı taş-adamlarla dolu idi. Atla hiçbirine yanaşmadılar ve kırk odalı saraya vardılar. Kız, İhtiyarların odasında bir beze sarılı bir avuç toprak var. Onu alabilirsek şu taşadamların hepsini kurtarabiliriz dedi ve çocukla beraber ihtiyarların odasına yanaştılar. Kapının yanında yaşlı bir kadın uyuyordu. Kız, çocuğa; Sen beni dışarda bekle. Ben içeri girip bezi çalacağım. Ben kız olduğum için o benim kokumu alamaz diyerek parmak uçlarına basıp odaya girdi. Yavaş yavaş en küçük elmas sandığına yanaşıp toprak sarılı bezi tuttuğu anda uyumakta olan yaşlı kadın kuvvetli bir çığlık attı. Kız o anda bezi açtı ve bir avuç toprağı yaşlı kadına attı. Yaşlı kadın olduğu yerde devrildi ve öldü. Kız ondan sonra çıkıp çocuğun yanına geldi ve ona, Şimdi bu toprağı taş-adamlara serpersek hepsi birden canlanacaklar. Dedi. Öyle de yaptılar. Binlerce taş-adamların hepsi de canlandı. Sonra, köyde bulunan devler kaçıştılar ve kaçacak yol aradılar ama hiçbiri kaçamadı ve adamlar hepsini öldürdüler. Sonra adamlar çocuğa; Sen bize hayat verdin. Şimdi biz de seni padişah yapıp senin askerlerin olacağız. Biz başka bir yere gidemeyiz. Dünyada kimsemizin kalıp kalmadığını da bilmiyoruz. Kimbilir ne zamandan beri taş olarak kaldık deyince kız da oğlan da buna razı oldular. Çocuk o gün tahta oturdu. Kızla da evlendi ve kırk gün kırk gece düğün yaptılar. Çok zaman sonra, köylerini hiç tanımadıkları yedi padişah ve askerleri kuşattılar. Onlar köyün padişahı olan bu çocuğa, Dev öldürücü diyorlar ve ondan çok korkuyorlardı. Onlar, Bir gün canı isterse bize dayanır ve tahtımızı elimizden alır. Onun için biraraya gelip biz onu yokedelim. Diyorlardı. Dev öldürücü onlara, Ne istiyorsunuz, niçin geldiniz? Diye haber yolladı. Onlar, Ya bu ülkeden çık veya savaşırız. Diye cevap verdiler. Dev öldürücü olanca askerini tapladı ve karşılarına çıktı. Üç gün üç gece hiç durmadan savaştılar. Sonunda padişahlar yenildiler ve kaçamadılar bile. Esir padişahları dev öldürücüye getirdiler. Kendisini evden kovan padişah da onların aralarında idi. Çocuk onu tanıdı ve Sen, bir gün beni saraydan attın ve kovdun. Bana, senden bir şey olmaz diyordun. Şimdi görüyormusun. Ben de padişah oldum ama sana bir şey yapmıyacağım. Dedi ve öteki padişahların kafalarını kestikten sonra ona dokunmadı. Annesi ve kardeşlerini de yanına aldıktan sonra büyük kardeşine, Benim henüz sıram gelmedi. Padişahlık senin hakkındır. dedi ve onu tahta oturttu. |