3'ip'ili

07/08/2004 21:30

Orjinal Dildeki Metin

3'İP'İLİ3'ip'ili getasuleşa idu ocuşeni. Gulun, cums, cums. Ar uşkirişi caş tude ort'uşi, but'k'a melu do 3'ip'ilişi k'udelis ga't'u. Aşkurinu 3'ip'ilis, imt'u do nanamuşişa komextu.
-Nana, nana! –ucoxoms 3'ip'ilik.
-Mu noren, mu gağodu?
-Nana, 3a gont'roxu do ar finç'a k'udelis gemat`u, bimt'at nana!
İgzales. Dido didi gzas ides do ar bibi konages.
-Bibi so ulur? Kotumek k'itxu.
-Oxorişa mebulur.
-Hek 3a gontroxu.
-Sin mik gi3`u?
-3'ip'ilik mi3'u.
-3'ip'ili, sin mik gi3'u?
-Man toli çkite bz'iri, 3aşi ar finç'a kudelis gemat'u.
Sumi xolok gza dokaçes. Ar m3ika idesşi ğorğoci konages.
-Ğorğoci, sin so ulur? – Bibik k'itxu.
-Oxorişa.
-Hek 3a gont'roxu do muç'o ulur?
-Sin mik gi3'u?
-Kotumek mi3'u.
-Kotume sin mik gi3'u? -K'itxu ğorğocik.
-3'ip'ilik mi3'u.
-3'ip'ili, sin mik gi3'u?
-Man toli çkite bz'iri, 3aşi ar finç'a kudelis gemat'u.
Ğorğocis daceru do ha3'i otxo-xoloti nulunan. İdes-idesşi mk'apu konages.
-Mk'apu so ulur? –Ğorğocik k'itxu.
-Oxorişa.
-Var, var, hek 3a gont'roxu mo ulur! –U3'u mk'apus ğorğocik.
-Sin mu giçkin?
-Bibik mi3'u.
-Bibi, sin mu giçkin?
-Kotumek mi3'u.
-Kotume, sin mu giçkin?
-3'ipilik mi3'u. -3'ip`ili sin mu giçkin? -Man toli çkimite bzviri, uci çkimite bogni, 3aşi ar finç'ati k'udelis gemat'u.
-Man k'ai mağara miğun. -mk'apuk mutepes u3'umes, hek bidat mutu varmağodenan.
İri-xolos k'ayi da3'ones do ides. Mağaras komeşiles.
Komeşileş-k'ule mk'apuk iri xolo oç'k'omu.
Hentepes na ağodes mteli ar ç'ut'a 3'ip'iliş nosite.

En Çok Okunan Masal Kültür Sanat Yazıları
 » Tembeli Memet'i...
 » Lazi Do Şeytani...
 » Patişağiş K'ulani...
 » Patişaği Do Veziri Muşi...
 » Dadi İdu Konik’idu,......
 » Nanaşantişi D O P`roğoni...
 » Zengini K'oçi Do K'ulanimuşi...
 » Divepeşi Mp'ilapu...
 » 3'ip'ili...
 » Şeytani Do Oxorca...

En Çok Yorumlanan Masal Kültür Sanat Yazıları