Lazuri Tiyatro(2.bölüm)

10/07/2004 22:21

Orjinal Dildeki Metin

BÖLÜM-II

Meçetis nemazişk`ule Mecidik miti varyoselaps do xocas:
-Xoca Efendi, egere sinti mog3`ondunna çkin andğa akonaşi skanik`ala bazi dini meselepeşen oğarğalu minonan. Ya u3`umers.
-Helbette, helbette. Oğarğaluk ziini gon3`k`ips. Fik`irepe gale gamimers. Fik`irepe ok`oxtaşi mu iqven? Cibgirik nena gu3`incubalups
-Mu iq ven, ok`ok`idinu kogoç`k`aps.
Musak:
-Ok`ok`idinu kogöç`k`aşiti sinti kagondunu.
-Xit`i! İri şei mcixiten varixvenen. Birtum, çkimistei nosi ixmaraginon, nosi!
Cibgirik:
-Çkva mutu! Eşo nosi xoci çkinisti kuğun.
Mecidik nena gu3`uncubals do juriti dostibinaps.
-Muren, mot iç`k`omet! Çkin akonaşi xocaş nosi go3`amaluşeni moptit. Tkvani ok`ok`idunis gisiminati!
Mecidik entepe nastibes koz`iruşi xocaşa guikten:
-Xoca efendi, çkin ak nemazi vikipt amma velakin k`artaik am meçetişeni golaktei ren ya zop`onan. Ka`beş k`ele navargadgin meçetis nemazi ixveneni? İxvenenna, em nemazepe k`abuli iqveni?
-Nemazi, Trangi çkinik farzi mixvenes. Farzi naren nemaziş oxvenuti tiçkinişi borci ren. Nemazişi varoxvenuşeni maana variz`iren.
Asimik:
-Xoca, iya k`ai zop`on mara am meçeti golaktei ren
-Estoğfirulla, estoooğfirullah! İya mik zop`ons?
-Mis atkven. Çkini Şerifik zop`ons. Koçi, k`itxei k`oçi ren. Hem muk`o tutaren xesap`i kitabi ikips. Helbet m3udi varzop`ons. Zaten mukti andğa meçetişa emuşeni varmoxtu.
-Farzi naren nemazi mik varquna iya borci duskidun. Emuşi xesap`iti trangik emus k`itxups.
Muxtaik:
-Yani xoca efendi, am meçetis nemazi ixveneni, varixveneni? Çkin emuşi cuvabi bgorupt.
-Meçetepe iri k`oçis isa nemazi oxvenapuşeni ik`iden. Meçeti vart`asna mesciditisti dixvenen. İsa naixvenas nemaziş sebabi 27 fara daa dido uğun.
İsak:
-Xoca, çkin am nemazepe golaktei dodginei p`atna em nemazepe so ulunan? Ya ka`abeşa vardo Moskovaşa igzaluna mu iqven? Emuşi günaxepe mişi iqven?

Xocak:
-Tovbe yarebbi! Tovbe yaa rebbiUlan nemaziş oxvenu günaxi iqveni! İsak xolo:
-Variqven mara Moskovaşa golaviktatşiti iya mik`ilapsi?
Xocak:
-Ulan zindik`! Ka`be kodgin do Moskovas mu dulya giğun?
Cibgirik:
-Xoca, aya k`omunisti ren. Belli vareni!
İsak:
-Sin dulya skanis o3`k`edi! Çkin ak osteruşeni varmoptit. Memleketişi oxoşirşolei dulyapeşi on3`uranuşeni moptit.
Meçetiş dololoxe z`i3ina komulikaçen.
Mundeşk`ule Mecidik xocas:
-Xoca efendi, nami3`vit nenape naoxoma3`ones k`onai koxovo3`onit. Lakin am meçeti golaktei nadodgespeşi do golaktei meçetis nemazi naqvaspeşi xali mu iqvasunon. Çkin ar ç`it`a emuşeniti ar-jur nena domi3`vat`it. -Golaktei dulya naqvaspeşeni k`arari trangik meçaps. Trangi, İri şei nauçkin ren. Egere am meçetis goktei ar mutupe renna, eti trangik çkini o3aduşeni eşo moxvenapapan. Emuşi hikmetişeni nena varitkven. Edo, iri şei suparas ç`arsLakin xolo k`aixeşa go3`k`omilu unon. Çkini dulya emuşi ok`itxu ren.
İsak:
-Yani xoca, am meçetişi dulyape em suparas ç`arsi? Ç`arsna emuş on3`uranuş çare muren. Hem nam ayetepes ç`ars?
-Dostibi, gafil! Tovbeşa komoxti, varna ka`fii iqve do giçkit`as. Aşo şeepe ayetepes var, xadisepes iqven. Yani ç`arsna iqvenXoloti k`aixeşa go3`k`omilu unon.
Artisi İsmetik:
-Peki xoca, çkini nemazepe mik`ilapsi-varmik`ilapsi çkin muç`oşi oxoma3`onenan. Emuşeniti ar xesap`i ixveneni?
-Emuş xesap`i trangik melaeğepes doxvenapaps. Çkini dulya, namemigures emirepeşi oxvenu ren.
K`adiik:
-Xoca, nemazi ar fara omt`inuşi günaxi muk`onai ren?Yani muk`unai günaxi memaç`arenan!
Cibgirik:
-Hem günaxi nazop`onan şei mus mengaps. Ar günaxişi didinoba muk`unai ren?
Xocak:
-Ey cemaet! Trangik çkini oçkinonepe suparapeten, peygamberepeten domoçkinapes. Majuranepe gonk`ilei uğun.

K`adiik:
-Yani man aya otkvalu minonki, xen3`k`elepeten, ç`uvalepeten günaxi nauğun ar k`oçis ek`o günaxi mus varağuna emuk mu qvasunon? Yani emuşi günaxepe çkva mitepek uğasunoni?
Xalidik:
-Yani, ekole araba navarenşa göre, omaluşi dulyape muç`oşi ixvenen?
Xocak:
-Ulan gafili! Ek günaxi skani gomaluşeni mitik sin vasit`a varmekçaps. Emuşeni a3`işen ixaziri do günaxiş dulyape mo ikip!İsak`ik:
-Ugünaxe k`oçi navariqvenşa göre ar günaxişi monk`anoba muk`onai ren. Yani mesela 30 kilos muk`onai günaxi imt`ren. Yada ar ç`uvali günaxi muk`o kilo varnati met`ro mulun?
K`adiik
-Yani aşo otkvalu unonki, k`arta k`oçi naağen k`onai günaxiten ulunna Ercanis 150 kiloti ç`it`a muxteps lakin İsas mendo3`k`edaşi zaten k`uçxeç jin vardvadginen. Emuk mu qvasunon? Arçkva omeriş xali mu iqvasunon!
İsak:
-Sin man momisimadep. Dulya skanis o3`k`edi. Sin esas çkimi ont`ule, skani ont`ules nailunt`alişi xesap`i muç`oşi meçaginon. 3`oxle iya isimadi!
-Ulan man skani nam ont`ule çkimis elavunt`ali! Sin esas çkimi k`ak`aliş nca muç`oşi mok`vati do gondini. İya mot varzop`on! Emuş xesap`i so idasunon!
Xocak:
-Ey cemaeti muslimin! Meçetis aşo şeepeşi munak`aşa vaeixvenen. Aşo şeepe gale yada çkva sotepes iğarğalen. Yaxutta çkar variğarğalen. Emuşeni nosi tişa komuiğit do dostibit!
Muezzini İsmailis daa dido varnaxondinen:
-Xoca, sin antepes moo3`k`er! Esas çkimi derdi mu iqvasunon. Meçetis minare navarenşeni kvas gebdgitu do izani vik`itxup. Mapxas mutu var lakin qinobas zori iqven. Ya k`uçxes gemistuna mu iqvasunon!
-Sin iya muxtais k`itxi. Meçetis daa ek`o noksanepe miğunanki!
Envei gale gamoxtimuşeni kamuisels. İsa xes kogo3`vak`iden.
-Heyy, so ulu! Ç`it`a çkva kodoxedi do isa mendavulut.
-Hele ha! Komemakaçu, pt`k`va3u. Ya zop`ons do Envei gamastun do mindulun.
Delosmanik Envei nagamaxtu z`iraşi nailuxen Xalidis:
-Hade kiseli, manti gamavulu. Ya u3`umers.
Xalidik:
-Ç`it`a çkva kodexedi hele!
Ya u3`vaşi Osmanik:
-Hele mu dopxeda, ek`o kodovokaçi lakin xoloti mamt`u. Yado nena kogükturaşk`ule eti kagamulun do kagondunun.

Emoras İsak`ik xocas:
-Xoca efendi izani dixaşen ik`itxasna mu iqven ? Ya u3`vaşi xocak:
-İzani jindolen ik`itxenki k`artaik ognas. Hemti trangiş coxoti dixas k`uçxeş tude varmulişinen. Yado nena güktiraps.
Mecidik:
-Xocaefendi, xolo en k`ai sin giçkin amma velakin köylis ne meçetişi golaktuşi menceli uğun neti minareşi oxvenuşi şuri gedgin. Sinti izani dixaşen varik`itxen ya zop`on. Eşo renşi İsmailik izani solen ik`itxas? Varna ncas yextasi! Ok`uleti nailuxen Asimis mendo3`k`ers do:
-Am dulya aşoten varipağen. Çkin gale gamaptatşi, arçkva kart`ali alamaniş k`ayzeris mendavuç`arat. Belkim emuk komemişvelan. Yado ilupurçolups.
Asimik:
-Akolen gamaptatşi iptinei dulya iya miğut`an yado nena güktiraps.
Xocak:
-Çkini dinis izani ncaşen varik`itxen yado ar yasaxi varen. Lakin xoloti suparas go3`k`omiloni voret. Egere caizi renna ncati iqven, kvati.
K`adiik:
-Eşo renşi 3`aleni mtxomus jur pi3ai kogevoç`k`adat do İsmailik izani ekolen ik`itxas.
Mecidik:
-Mutxani ren eşo rt`as. Moro ar meyvaşi nca kodovorgat do İsmailik ar k`eleti eloçk`omas.
Am fik`ii İsmailis dido mo3`ondun:
-Eşo şei dido munasibi iqven. Hem ncaepe m3ika dido vorgat do xoca efendisti nak`aras. Man mk`itxuptna aşo daa dido caizi ren.
Ercanik:
-Eşo renşi k`arta ç`eşidi meyva dovorgat do mapxasti do qinobasti meyva meças.
Musak:
-İya k`ai zop`on mara izani dik`itxaşk`ule İsmaili ncaşen muç`oşi geviqonat. İya ncaşen çkva gülüni!
Rizak:
-Eşo renşi pi3arepe m3ika men3`uranei gevoçk`adat do İsmailik nemaziti ek qvas.
Cibgirik:
-Ulan ncaş jin nemazi ixveneni! K`ai xeşa koguşubği ha!
Xocak:
-İzani naik`itxen svas nemaziti ixvenen. Hele meyvaşi nca renna daa munasibi do caizi ren. K`vinçi do skindinapekti uimxoran. Sebabiti dido iqven.
Ercanik:
-Xoca efendi aşo şeepe xadisepes ç`arsi?

İsak:
-Ulan nosi oç`k`omiyi! Xadisis ncas mu dulya uğun? Yado emus guktaps. Nurikti İsas duluqurs:
-Sin mu giçkin. Beki ç`ars. Xocas mot vark`itxup!
İsak xocas:
-Xoca efendi, aşo ar xadisi reni? Renna mişi ren!
Xocak:
-Xadisepes k`un3`uli varuğun. Man namiçkin, aşo xadisepeti mut`lak`a koren. Lakin xoloti suparapes go3`k`omiloni voret.
Mecidik:
-Amuşeni çkva xadisepe korenna namunaren işinen?
Xocak:
-Xadisepeşeni varişinen ya otkuten k`oçi dini do imanişen kagamulun amma velakin entepeş doloxe tkvan navaroxoga3`onanstei doloğei manape uğunanna, en men3`uranei naren xadisi oxmaroni voret. Çunkii en men3`uranei naren xadisi 3`oi xadisi işinen.
Muxtaik:
-Sin k`ai zop`on lakin çkin en 3`oi naren xadisi muç`oşi oxovo3`onat?
Xocak:
-Emus osimadu varunon. Udoqondinu suparapes go3`k`edit. Egere supara vargiğunanna çkinei ar mitis yani xocas k`itxit!
Musak:
-Xoca efendi antepe k`ai zop`on lakin çkin am meçetis navikipt nemazişeni çkar mutu mot varzop`on!
Xocak:
-Mutu mot varbzop`on. Nagi3`vitpe naisiminespek koxo3`ones.
Rizak:
-Xoca efendi, man sin k`ai gisimini ama xoloti varoxoma3`onu. Yani a3`i am meçetis naixvenas nemazepe mik`ilapsi varna varmik`ilapsi?
Xocak:
-Hah işte, suali aşo iqvasunon. Tis namegak`idan iri şei mut`lak`a ar umçanes k`itxitki gaguran. Çkini diniş nek`nape oguruşeni gon3`k`imei ren. Peygamber efendi çkinişi orapesti oguru do ok`itxus dido k`imeti niçinet`u
Nurik:
-Xoca efendi man ok`itxu mint`u lakin nana çkimik, Şerifik ik`itxu do mu iqu! yado man varmok`itxapu.
Omeik:
-Hah işte, oxorcaş nositen goxtaşi aşo uçkinu doskidu.
Asimik:
-Eşo mot zop`on! Xava Dadi oxorca vareni! Emus iri şei mot uçkin?
Muxtaik:
-Xava Daditi miren! Emusterepek ancax dulyape oxoşirşolapan.
Xalidik:
-Xoca, sin mu zop`on!
Xocak:
-Oxorcaş guri ixvenen lakin nosi vargu3`iğen. Egere nosi gu3`iğasnati em nosi varixmaren.
Musak:
-Ya ar oxorca çkinden dido nosei renna mu iqvasunon. ?
Omeik:
-Sin nosi oç`k`omii! Ek`o nosei oxorcas skanik`ala mu dulya uğun. Zaten ek`o nosi uğut`uk`oni iya oxorca iqvet`ui?
Xalidik:
-Xoca efendi oxorcaşen imami iqveni?
-Variqven çunkii imami oqopinuşeni noksani vart`aginon.
-Pekii muezzini iqveni?
-Andğaşakis variz`iramun. Xoloti suparas go3`k`omilu unon.
İsak:
-Xoca efendi, İsmailik ncaşen izani ik`itxupt`aşi mç`imaten dişvelen, nemazi ikipt`aşiti kamelaps. Emuşeni, em pi3arepes kogootvat do kogeotvatna muç`o iqven?
Mecidik:
-Muç`o iqventi mu tkvala ren. Pi3arepeş jin m3ika troni do ar stoliti kogebdgat. Ar 3xodari do ar-jur k`ardalati muk kilidvas do oxormance diqvas bari.
Xalidik:
-Xoca efendi, eşo mevo3`k`erki muezzinoba dik`iymetu. Yani aya otkumalu minonki, egere sinti munasibi z`iropna manti muezzinoba oxvenu minon.
K`adirik:
-Eşo yağma varen. Manti minon. M3xuliş dro çkimi rt`as. Ayvaşi droti ginonna skani rt`as. Zaten sin ayva dido k`ai gi3`onun.
İsak`ik:
-Emuk ayva zaten ç`k`omei ren. Varz`iropi! Man mk`itxuptna, mjolişi dro Arifişi rt`as. K`ak`aliş orati Ercanis nomskun. Mbuliş ora Omerişi rt`as lakin man luği mitis varpçap.
Emoras gale gamoxtimuşeni Asimi kamuiseluşi nailuxen Musak:
-Epçi, so ulu! Ya u3`umers.
-Xava Dadik man mçumert`u. Dido movorçumert`a. Ya nena güktiraps do gamilun, mindulun.
Meçetisti muezzinobaş oğarğalu dido kaguinzdaşi xocak jur xerepe ke3`ozdips do:
-El faatihaa! Ya tkumers do milleti dostibinaps.

Türkçe Metin

B Ö L Ü M-II
Camide namaz bittikten sonra Mecit kimseyi yerinden kadırmaz ve hocaya dönüp:
-Hoca efendi, eğer münasip görürsen biz bugün burada bazı dini konularda seninle sohbet etmek istiyoruz, der.
-Elbette, elbette. . . Sohbet zihni açar, fikirleri açığa çıkarır. Fikirler çarpışırsa ne olur?. . .
Fırlama sözü kapar:
-Ne olacak, elbetteki kavga çıkar.
Musa:
-Kavga çıkarsa, sen arada kaynar gidersin.
-Boşversene sen! Herşey kaba kuvvetle olmaz. Herzaman benim gibi kafayı kullanacaksın, kafayı.
Fırlama:
-Hadi canım, öyle kafa bizim öküzde de var.
Mecit araya girip tartışanları susturur.
-Durun be! Biz burada hocanın ilminden istifade etmek istiyoruz. Sizin kavganızı mı dinliyeceğiz!
Mecit onların sakinleştiğini görünce hocaya döner:
-Hoca efendi, biz bu camide namaz kılıyoruz amma velakin herkes bu caminin dönük olduğunu söylüyor. Kabeye bakmıyan camide namaz kılınırmı, kılınırsa da kabul olurmu?
-Namazı Allahu teala farz kılmıştır. Farz olan namazı ise mutlaka kılmak lazım gelir. Namazı kılmamak için mahana aranmaz.
Asım:
-Hoca, onu iyi diyorsun da bu cami başka yöne bakıyor. . .
-Estoğfirulla, Estoooğfirullah! Kim demiş onu!
-Kim olacak! Bizim Şerif söyledi. Herif okumuş adam, üstelik kaç aydır hesap kitap yapıyor. Herhalde yalan söylemiyor. Zaten kendisi de bugün camiye onun için gelmedi.
-Farz olan namazı kılmıyan borçlu kalır. Onun hesabını da Allah sorar.
Muhtar:
-Yani hoca efendi, bu camide namaz kılınırmı, kılınmaz mı? Biz onun cevabını soruyoruz.
-Camiler toplu namaz için yapılmıştır. Cami yoksa, mescit de olur. Toplu kılınan namazın 27 kat fazla sevabı vardır.
İsa:
-Hoca, biz namazı yanlış yönde kılarsak o namazlar nereye gider? Ya kabe yerine Moskovaya giderse ne olur? Onun günahı kime yazılır?. .

Hoca:
-Tövbe yarabbi, tövbe yarabbiii! Ulan, namazın günah olanı nerede görülmüştür!
İsa yine:
-O bir yerde görülmedi ama Moskovaya da dönsek zararı yok mudur?
Hoca:
-Ulan zındık! Kabe dururken Moskovada ne işin var!
Fırlama:
-Hoca, bu komünisttir, belli olmuyormu!
İsa:
-Git ulan işine! Biz burda oyun oynamıyoruz. Biz buraya memleketin karmakarışık olan işlerini düzeltmek için geldik.
Caminin içinde kahkalar yükselir.
Neden sonra Mecit hocaya:
-Hoca efendi, anlattığın şeyleri anladığımız kadar anladık. Lakin bu camiyi dönük kuranların ve camide ters yönde namaz kılanların durumu ne olacak? Bize biraz da bu konuda bir iki laf söylesen.
-Ters iş yapanların ne olacağına Allah karar verir. Allah her şeyi bilendir. Eğer bu camide bir terslik var ise onu da bizi imtihan etmek için bizzat kendisi yaptırmıştır. Onun hikmetinden sual olunmaz. Sonuçta, her şey kitapta mevcuttur. Yeterki onu iyi okuyalım.
İsa:
-Yani hoca, bu camiyi o kitap yazıyormu? Yazıyorsa düzeltmenin çaresi nedir, hangi ayette vardır?
-Sus, gafil!. . . Tövbe et, yoksa kafir olursun. Böyle şeyler ayetlerde değil, hadislerde olur. . . Yani var ise olur. . . Yine de bir iyicene bakmak lazım.
Artist İsmet:
-Peki hoca, bizim namazın kabul olup olmadığını biz nasıl anlarız. Bunun bir hesabı varmıdır?
-Onun hesabını Allah meleklerine yaptırır. Bizim işimiz, emirleri yerine getirmektir.
Kadir:
-Hoca, namazı bir kere kaçırmanın günahı nedir? Yani kaç günah yazılır?
Fırlama:
-Hem günah dedikleri neye benziyor. Bir günahın büyüküğü nedir?
Hoca:
-Hey cemaat! Allah bize bilmemiz gerekenleri kitapları ile peygamberleri ile bildirmiştir. Ötekileri ise bir sır tabakası ile kapatmıştır. . .
Kadir:
-Ben şunu demek istiyorum ki, sepet-sepet yada çuval-çuval günahı olan bir adam onca günahı taşıyamazsa durumu ne olacak. Yani onun günahını başkası mı taşıyacak?
Halit:
-Yani o tarafta araba olmadığına göre nakliye işleri ne ile yapılır?
Hoca:
-Ulan gafil! Orda senin günahını taşıman için kimse sana vasıta vermez. Onun için tedbirini şimdiden al da günah işleme!
İshak:
-Günahsız adam olmıyacağına göre bir günahın ağırlığı ne kadardır. Yani mesela 30 kiloya kaç günah sığar. Yahutta bir çuval günah kaç kilo veya kaç metre gelir ?
Kadir:
-Yani şunu demek istiyor ki herkes taşıyabileceği kadar günahla gidecekse Ercana yüzelli kilo da az gelir ama İsaya bakarsan, zaten ayakta zor duruyor, o ne yapacak? Bir de Ömerin durumu ne olacak!
İsa:
-Sen beni düşünme, kendi işine bak! Sen asıl bizim bahçeden senin bahçeye yaptığın ilavenin hesabını nasıl vereceksin, önce onu hesapla!
-Ulan ben senin hangi bahçenden ilave yapmışım. Sen asil benim ceviz ağacını nasıl kesip de yürüttün, onu anlatsana! Onun hesabı ne olacak!
Hoca:
-Ey cemaati müslimin! Camide böyle münakaşalar yapılmaz. Böyle şeyler sokakta yahut başka biryerlerde konuşulur. Yahutta hiç konuşulmaz. Onun için kendinize gelin biraz.
Müezzin İsmail daha fazla dayanamaz:
-Hoca sen bunlara bakma! Asil benim derdim ne olacak! Camide minare yok diye hep kayanın üstüne çıkıp ezan okuyorum. Yazın neyse ama kışın zor oluyor. Ya ayağım kayarsa ne olacak!
-Sen onu muhtara söyle! Daha camide okadar eksiğimiz varki!
Enver dışarı çıkmak için ayağa kalkar, İsa ise koluna yapışır.
-Hey, nereye giddiyorsun! Az daha otur da beraber çıkarız.
-Hele ha! Sıkıştım, patlıyorum. Der ve Enver sıyrılıp gider.
Delosman Enverin çıktığını görünce yanındaki Halite:
-Hadi kalk! Ben de çıkıyorum. Der .
Halit:
-Az daha otur hele!
Deyince Osman:
-Hele ne oturayım. Onca zaptettim ama sonunda olacağı oldu. Diye cevap verdikten sonra o da çıkıp kaybolur.
O arada İshak hocaya dönüp:
-Hoca efendi, ezan yerden okunsa ne olur? Deyince,
Hoca:
-Ezan yukardan okunur ki hem herkes onu duyar hem de Allahu tealanın adı yerlerde dolaşmaz. Diye cevap verir.
Mecit:
-Hoca efendi, gene en iyisini sen bilirsin lakin köylüde ne camiyi çevirecek güç ne de minareyi yapacak kuvvet vardır. Sen de ezan yerden okunmaz diyorsun. İyi de İsmail şimdi ezanı nerden okusun? Yoksa ağaca mı çıksın! Sonra da yanındaki Asıma dönüp:
-Bu iş böyle olmaz. Biz burdan çıkınca bir mektup da Alamanın kayzerine yazalım. Belki o yardım eder. Deyince
Asım da:
-Burdan çıkınca ilk işimiz o olsun. Diye cevap verir.
Hoca:
-Dinimizde, ezan ağaçtan okunmaz diye bir yasak yoktur. Ama yine de kitaba bakmak lazım. Eğer caiz ise kaya da olur ağaç da.
Kadir:
-Öyle ise bu aşağıdaki kızılağacın üstüne iki tahta çakalım da İsmail ezanı ordan okusun.
Mecit:
-Oldu olacak meyva ağacı dikelim de İsmail bir yandan da sebeplensin.
Bu fikir İsmailin çok hoşuna gider.
-Öyle olursa çok münasip olur. Hem ağaçtan bir kaç tane olsun da hoca efendi de istifade etsin. Bana kalırsa, böylesi daha çok caizdir.
Ercan:
-O zaman her çeşit meyva ağacı dikelim de yaz kış meyva versin.
Musa:
-Onu iyi diyorsun da ezanı okuduktan sonra İsmaili ağaçtan nasıl indireceğiz. O bir daha ağaçtan iner mi!
Rıza.
-O zaman tahtaları düzgün çakalım da İsmail namazı da orda kılsın.
Fırlama:
-Ulan ağaçta namaz kılınırmı! İyicene saçmaladın ha!;
Hoca:
-Ezan okunan yerde namaz da kılınır. Hele meyva ağacı olursa hem münasip hem de caizdir. Kurtlar kuşlar da istifade ederler. Sevabı da büyüktür.
Ercan:
-Hoca efendi, böyle şeyler hadislerde varmıdır? Deyince,
İsa:
-Ulan manyakmısın. Hadiste ağacın işi ne! Diye tersler.
Nuri de İsaya çatar:
-Sen ne biliyorsun. Belki vardır. Hocaya sorsana!
İsa hocaya:
-Hoca, böyle bir hadis varmıdır, var ise kim söylemiş?
Hoca:
-Hadislerin ucu bucağı yoktur. Yani böyle hadisler de mutlaka vardır. Lakin kitaplara iyicene bakmak lazım.
Mecit:
-Bunun içun birkaç tane hadis var ise hangisi geçerli olur?
Hoca:
-Hadislere geçersiz demek insanı dinden çıkarır amma velakin aralarında sizin anlamıyacağınız kadar derin manalar bulunursa, uygun olan hadisi uygulamak lazım gelir. Çünkü uygun olan, daima doğru olandır.
Muhtar:
-İyi dedin ama hangisinin uygun olduğunu nasıl anlıyacağız?
Hoca:
-Tereddüde mahal yoktur. Derhal kitaba bakacaksınız. Eğer yanınızda kitap yoksa, bir bilene yani hocaya soracaksınız.
Musa:
-Hoca efendi sen bunları iyi söylüyorsun ama bu camide kıldığımız namazlar için bize birşey söylemiyorsun.
Hoca:
-Nasıl söylemiyorum. Söylediklerimi dinliyenler anlamıştır.
Rıza:
-Hoca, ben seni iyi dinledim ama yine de anlamadım. Yani şimdi bu camide namaz kılınırmı, kılınmaz mı?
Hoca:-Hah işte! Sorular böyle olmalı. Kafanıza takılan her şeyi de mutlaka bir bilene sorun ki öğrenesiniz. Bizim dinimiz öğrenmeye açıktır. Peygamber efendimiz zamanında da okumaya ve öğrenmeye çok önem verilmiştir. . .
Nuri:
-Hoca efendi, ben okumak istedim ama annem bana; Şerif okudu da ne oldu! diyerekten beni okutmadı.
Ömer:
-Hah işte, kadın aklı ile gezersen böyle cahil kalırsın.
Asım:
-Niye öyle diyorsun. Havva Hala kadın değilmidir. O niye her şeyi biliyor!
Muhtar:
-Havva Hala da kimmiş. Onun gibiler ancak ortalığı karıştırırlar.
Halit:
-Hoca, bu konuda senin fikrin nedir?
Hoca:
-Karı kısmının gönlünü almak gerekir lakin fikri sorulmaz. Eğer sorulursa da uygulanmaz.
Musa:
-Ya bir kadın bizden daha akıllı ise ne olacak?
Ömer:
-Amma saçmaladın ha! O kadar akıllı kadının senin yanında işi ne! Zaten okadar aklı olsa kadın olurmuydu?
Halit:
-Hoca efendi, kadın kısmından imam olur mu?
-Olmaz, çünkü imam olmak için eksik olmamak lazım.
-Pekii, müezzin olabilirmi?
-Şimdiye kadar görülmemiştir. Yine de kitaba bakmak lazım.
İsa:
-Hoca efendi, İsmail ağaçta ezan okurken yağmur yağarsa ıslanabilir, namaz kılarken de düşebilir. Onun için, o tahtaların etrafını da üstünü de kapatsak nasıl olur?
Mecit:
-Nasıl olur da ne demek. Tahtaların üstüne birkaç sandalye ile bir masa atalım. Bir divan ile bir-iki kazan da kendisi ilave etsin de ev sahibi olsun bari.
Halit:
-Hoca efendi, bu durumda müezzinlik kıymete bindi. Yani şunu demek istiyorum ki, eğer sen de olur dersen ben de müezzin olmak istiyorum.
Kadir:
-Öyle yağma yok! Ben de isterim. Armut mevsimi benim olsun. Sen de istersen ayva mevsimini al. Zaten sen ayvayı çok seversin.
İshak:
-O ayvayı zaten yemiş. Şu haline baksana! Bana sorarsanız, dut mevsimi Arifin olsun. Ceviz zamanı da Ercana yakışır. Kirazlar Ömerin olsun lakin ben inciri kimseye kaptırmam.
O arada Asım dışarı çıkmak için ayağa kalkar. Yanındaki Musa;
-Hey, nereye gidiyorsun! Deyince de;
-Havva Hala benden haber bekliyordu. Onu bekletmiyeyim, diye cevap verir ve çıkıp gider.
Camide müezzinlik tartışması çok uzayınca da hoca iki elini yukarı kaldırıp:
-El faatihaa! Diyerek meseleyi kökünden halleder.