Orjinal Dildeki MetinX A T U N A Ş İ D E S T A N İ Yoyi dadi mu mskva bozo giqonun, Xes gyaknep do sin eşo gogiqonun. Emuş meti man miti varmiqonun, Umiteli so vida dadi çkimi. Man Xatunas dovuçari destani, Vaqoropi emus dovakiskani. Man komomçi mu iqven bozo skani, Soti var ya vardotkva dadi çkimi. Bozo skanis man birtum toli miğun, Mali mulki mu unonna komiğun. Ma3kindi kevuçopi cebes gomiğun, Aşo sica so zirop dadi çkimi. Mot mimpulup mskvaela bozo skani, Razi diqvi yegiçopup tikani. Astaxolo dovuxvenup nişani, Sin damtere domaqve dadi çkimi. Bozo skani man muşeni gomamten, Oncğoriten nenamuşi dolvamten. Xes gevaknep go3amistun do mamten, Ar-jur nena kelotkvi dadi çkimi. Xatunaşi tolepe zoğa stei, Man ar miti varbziri emu stei. Dişka içven doskidun xvala mtveri, Komemadu doviçvi dadi çkimi. Man butkuci iya pukiri stei, Umsvaeli ar melaeği stei. Xe mentxaşi dontkirun gyuli stei, Nosis vulu movulu dadi çkimi. Xatuna metaksiş tomaten gulun, Muço pukirobas pukiri yulun. Man mziraşi gomakten do mindulun, Sin am bozo so ziri dadi çkimi. Yoyi dadi man mundeşa vimgara, Guri çkimis komemizin pangara. Bozo skanis mundeşa govamgara, Sin mundeşa goxre3a dadi çkimi. 22. 12. 1994 |