Mik Muç'oşi İçalişeps (sesli)

08/01/2007 09:01

Kim Nasıl Çalışıyor

Orjinal Dildeki Metin



MİK MUǒOŞİ İÇALİŞEPS
UNK’İLAPE

Udulyeli ar mitik gunk’ap’un dulya gorups,
Dulyas amoluşeni didilepes goloqups.
Ar dulyas kamaxtaşi iri şei goç’k’ondun
K’uçxepe kodobaz’gaps arçkva mitis varnoqups.

Kimik limci ç’umani koxen çayi k’ave şups,
Kimis murgi giluz’in şişiten mutupe şups.
Kimi dulyas koxvakten ikten do inç’imoşen,
Emuk ar mskibu stei udodginu dulya mkups.

Kimi kelaxedun do nç’alaten 3’k’ari k’ank’ups,
Kimik stolis nagübğun mtxiri k’ak’ali 3xank’ups.
Kimis ti n3as okaçun çkar miti varmo3’ondun,
K’oltuğis koga’ç’aben arçkva miti vargorups.

Kimi dido k’ap’et’i xon3u stei gont’k’va3un,
Kimi boşi fişeği konun3’ana vart’k’va3un.
Kimiti goğapei ar guda stei gulun,
Nubaraşi yeputxun lemşi noxvaşi t’k’va3un.

Kimik dido ğarğalaps m3udi nenape tkumers,
Kimikti timçxuepes birtum yaği usumers.
Kimi dulyapes gvamt’en didilepes gotxozun,
Emuk mutu uxvenu didi mak’ami çumers.

Kimis bedi mskva uğun cumadi komok’vaten,
Kimis mutu varuçkin dişkati varak’vaten.
Kimikti k’ap’ulaşen emus amus gotkumers,
Şuri vargamuxtaşa em nena varnak’vaten.

Kimik k’ulani muşis çeyizepe u3’ipxups,
Kimikti supara do k’azetape ik’itxups.
Kimikti mjora stei mç’ima stei kort’asna,
P’ot’es mitis varnomjors varnomç’ips do varnomtups.

Kimi çkar varmendruk’un cebes varduludvaşa,
Kimi stolis kogecans varyisels varnuntxaşa.
Kimi mutus varirgun xes dulya vargamuxteps,
İya saat’i stei varikten vardodgaşa.

Kimik umegnu k’oçis usula kelotkumers,
Varognuna modvalu goktei komodumers.
Ya dosya kagondinaps ya dulya n3aşa könç’aps,
Mus mutu çkamu unon çkinişeni gu3’umers.

Dulya nauğun k’oçik mutupe meçasunon,
Varna nek’naşi 3’oxle oncere norçasunon.
Dulya oxvenapuşi dido gzape golaz’in,
Ya megnei rt’asunon varna igurasunon.

Kimi puci dibaden ğurut’aşa puci ren,
Gondginei dulyaşi mteli xolo muşi ren.
Kimi toli gon3’k’ei kimiti dişka stei,
Otkuten variçoden diiido ç’eşidepe ren.

28. 04. 1994

Türkçe Metin



KİM NASIL ÇALIŞIYOR


MEMURLAR

İşsiz kalan bir kimse koşturarak iş arar,
Bir işe girmek için büyükleri sıralar.
Bir de işe girince herbirşeyi unutur,
Artık kimseyi takmaz ayağı sağlam basar.

Kimisi sabah akşam çay ile kahve içer,
Kimisinde yumak var şişle birşeyler örer.
Kimi işe karışır döner dolaşır durur,
Durmadan iş öğüten değirmen gibi döner.

Kimileri oturur havanlarda su döver,
Kimi masasındaki fındığı cevizi yer.
Kimisi kibirlidir asla kimseye uymaz,
Koltuğuna yapışır hiçkimseye pas vermez.

Kimisi çok kuvvetli gök gibi gümbürdüyor,
Kimi boş fişek gibi ne yapsan patlamıyor.
Kimisi de boyalı bir balon gibi gezer,
Üfleyince uçuyor iğne batsa patlıyor.

Kimisi çok konuşup birçok yalanlar söyler,
Kimisi amirlere devamlı yağlar çeker.
Kimi işlerden kaçar amir peşinde koşar,
O hiçbir şey yapmadan büyük makamlar bekler.

Kiminin bahtı açık hiç amcasız edemez,
Kimisi bir şey bilmez odun bile kesemez.
Kimisi de arkadan şuna buna laf atar,
Canı çıkmadan önce onun sesi kesilmez.

Kimisi kızlarının çeyizlerini dokur,
Kimisi de kitap ve gazeteleri okur.
Kimisi güneş gibi yağmur gibi olsa da.
Herkes için her zaman güneşsiz susuz olur.

Kimisi kıpırdamaz cebini doldurmadan,
Kimi masada sızar uyanmaz kaldırmadan.
Kimi işe yaramaz elinden bir iş çıkmaz,
O bir saat gibidir hiç çalışmaz kurmadan.

Kimi anlamayana yavaşça fısıldıyor,
Duymayana pabucu tersinden giydiriyor.
Dosyaları yok edip işi göğe çekiyor,
Kendini yok sayarak bizim için istiyor.

İşi olan bir kimse bir şeyler vermelidir,
Yoksa kapı önüne bir yatak sermelidir.
Bir işi yapmak için birçok yollar bulunur,
Ya çabuk kavramalı yahut öğrenmelidir.

Kimisi aptal doğar ölene dek aptaldır,
Sürünen tüm işlerin hepsi onun malıdır.
Kiminin gözü açık kimisi odun gibi,
Söylemekle tükenmez birçok çeşidi vardır.

En Çok Okunan Şiir Kültür Sanat Yazıları
 » Arkabuli İsmaili...
 » Eç Do V'itoxut 3'ana...
 » Kva Omxaze...
 » Am Çkini Borciş Dulya...
 » Şurimşine Azlağa (sesli)...
 » Hey Gidi Akıl...
 » Hopa Marşı...
 » Çkin Lazi Voret(sesli)...
 » Lazona...
 » Ar Didi Lazi...

En Çok Yorumlanan Şiir Kültür Sanat Yazıları