Orjinal Dildeki MetinSumeneç 3'ana 3'oxle ar bere dibaduşiBeres coxo kogödves, Supara Ok'itxuşi Bereş bedi goç'vei mamç'aru babamuşi Doğuruşk'ule irdu İskenderi 3'it'aşi. Emuteli xeleba k'aoba varmiğunan Namiç'ares supara k'artais komiğunan Namixvenes dulyape p'ot'es domibağunan Lazepeş didi k'oçi İskenderi 3'it'aşi. Guris memaparpalen emuş coxo vognaşi Tis nosi mendamixteps eya gomaşinaşi Emustei mjora do tuta maroşinaşi Muç'oşi noskirines İskenderi 3'it'aşi. Namiç'ares alboni nena çkiniş bandara Guris daçxiri migzun varmeskirun pangara Dido mendra doskidu mundeşa mevamgara Nosis varmoşamixteps İskenderi 3'it'aşi. Nadomidves temeli lazepeşi nemaşi Vart'asna kago3'astun 3'alami kiyanaşi Eya çkar vargoç'k'ondun nena çkini kort'aşi En didi İskenderi İskenderi 3'it'aşi. 18. 08. 1994cumalepe@mynet. com |